कल्याणमध्ये शाळेला दांडी मारुन गणवेशातील विद्यार्थी गेम झोनमध्ये वेळ घालवत असल्याची माहिती समोर आल्यानंतर मनसे थेट कारवाई केली आहे. कल्याण पश्चिमेतील खडकपाडा सर्कल जवळील रॉक माउंट टॉवरमधील गेम ग्राउंड नावाच्या गेम झोनमध्ये हा प्रकार उघडकीस आला आहे. या प्रकाराबाबत काही पालकांनी तक्रार करताच मनसेचे जिल्हाध्यक्ष तिथे पोहचले. त्यांनी थेट गेम झोनमध्ये जाऊन कर्मचाऱ्यांना कानशीलात लगावत जोरदार दम दिला आहे. यावेळी त्यांनी परिसरात मोठा गोंधळही घातला होता.मनसेने स्पष्ट इशारा दिला की, पुढे पुन्हा शाळेच्या गणवेशातील विद्यार्थी गेम झोनमध्ये आढळल्यास, संबंधित झोनला मनसेच्या कार्यकर्त्यांकडून तोडून टाकण्यात येईल.