संजय महाजन, साम टीव्ही

जळगाव जिल्ह्यातील मुक्ताईनगर मध्ये बस स्थानक व शासकीय विश्रामगृह परिसरात बिबट्या आढळून आल्याने मोठी खळब उडाली होती व या परिसरात भीतीचे वातावरण निर्माण झाले होते. दरम्यान घटनेची माहिती मिळताच वनविभागाच्या पथकासह महसूल पथक व पोलीस हे घटनास्थळी दाखल झाले होते. तसेच आमदार चंद्रकांत पाटील हेदेखील कार्यकर्त्यांसमवेत घटनास्थळी दाखल झाले होते. अखेर शर्तीचे प्रयत्न करत या बिबट्याला पकडण्यात वनविभागाला यश आले असून बिबट्याला सुरक्षित पकडून वनविभागाने ताब्यात घेतले आहे.