राज्याचे सामाजिक न्यायमंत्री आणि शिंदे गटाचे प्रवक्ते संजय शिरसाठ यांच्या मुलावर एका विवाहित महिलेने गंभीर आरोप केले आहे. सिद्धांत शिरसाठ यांनी आपल्याला धमकावून आणि बळजबरीने आपल्याशी शारीरिक संबंध ठेवले आहे. तसेच सिद्धांत शिरसाठ यांनी आपला मानसिक आणि शारीरिक छळ केला असा गंभीर आरोप ही या महिलेने केला आहे.

14 जानेवारी 2022 रोजी सिद्धांत शिरसाठ आणि या महिलेचे बौद्ध पद्धतीने लग्न झाले होते. त्याचे पुरावे ही संबधित महिलेकडे असल्याचे तिने म्हटले आहे. सिद्धांत शिरसाठ यांच्याशी शरीर संबंधातून ही महिला गर्भवती देखील झाली होती. काही दिवसातच सिद्धांत शिरसाठ यांनी जबरदस्तीने गर्भपात करवून घेतल्याचा आरोपही या नोटीसमध्ये आहे.