मंत्री छगन भुजबळ यांनी बीडमधील ओबीसी मेळाव्यात बोलताना तुफान फटकेबाजी केली. मंत्री छगन भुजबळ म्हणाले, इथे ३७४ जाती आहेत. आता सर्व समाजाची नावे घेतली तरी अर्धा तास जाईल. या सर्वांना भाषण करायला सांगितलं तर माझं भाषण रात्री १२ वाजता होईल. त्यामुळे निवडक समाजाच्या लोकांनी शांतपणी बोलावं. अनेक आमचे लोक बोलावलं नसल्याने नाराज होतात. काही लोक म्हणतात, आमचा फोटो छापला नाही. आम्हाला बोलावलं नाही असं म्हणतात. अधिकार की लढाई में निमंत्रण नही भेजे जाते, असं म्हणत मंत्री छगन भुजबळ यांनी ओबीसी नेते बबनराव तायवाडे आणि आमदार विजय वडेट्टीवार यांना टोला लगावला.