lathi charge at Asaduddin Owaisi rally in Akola : एमआयएमचे खासदार असदुद्दीन ओवैसी यांच्या सभेत रविवारी रात्री सौम्य लाठीमार झाला. गर्दी अनियंत्रित झाल्याने अकोला पोलिसांना हा सौम्य लाठीमार करावा लागला. या घटनेमुळे परिसरात मोठी धावपळ झाली. याचं ठिकाणी चेंगराचेंगरीही झाली. लोक एकमेकांच्या अंगावरही पडले. त्यामुळे काहींना किरकोळ दुखापतही झाली आहे. दरम्यान, अकोला शहरात काही दिवसांपूर्वी एमआयएमचे माजी खासदार इम्तियाज जलील यांचीही सभा झाली होती. या सभेतही युवकांना स्टेज जवळ बोलावण्यात आले होते. यातून प्रचंड चेंगराचेंगरी झाली होती. आता पुन्हा खासदार ओवैसींच्या सभेतही हाच प्रकार घडला आहे..

मनपा निवडणुकीत एमआयएमने स्वबळावर 37 उमेदवार उभे केले आहेत. दरम्यान रविवारी रात्री खासदार असदुद्दीन ओवैसी यांच्या सभेत सौम्य लाठीचार्ज झाला होता. सभेला आलेले लोक अनियंत्रित झाल्यामुळे मोठा गोंधळ उडाला होता. अकोल्यातील गडंकी भागातील झुल्फिकार अली मैदानावर असदुद्दीन ओवेसी यांची सभा आयोजित करण्यात आली होती. सभेत कोणतेही नियोजन नसल्यामुळे गर्दी अनियंत्रित झाली. आणि सभा संपताना असदुद्दीन ओवेसी यांचं बेजबाबदार वर्तन देखील पाहायला मिळालं. लोकांना व्यासपीठाकडे येण्याचे आवाहन केले, त्यानंतर लोक क़ठडे तोडून व्यासपीठाकडे धावलेत. सभा संपत असताना सर्व जमाव ओवेसी यांना भेटण्यासाठी व्यासपीठाकडे येत असल्याने हा गोंधळ उडाला होता. सभेत चेंगराचेगरी ही झाली. आयोजक आणि ओवेसी यांच्या बेजाबदारपणामूळे एमआयएमच्या सभेत हा गोंधळ उडाला होता. या दरम्यान स्टेजचा काही भाग देखील तुटला होता..