कल्याणजवळील उंबर्डे डम्पिंग ग्राउंडला भीषण आग लागल्याची घटना आज, मंगळवारी घडली. या घटनेची माहिती मिळाल्यानंतर अग्निशमन दलाकडून कर्मचाऱ्यांना पाचारण करण्यात आले. अग्निशमन दलाची चार वाहनेही घटनास्थळी रवाना करण्यात आली. अग्निशमन कर्मचाऱ्यांनी डम्पिंग ग्राउंडला लागलेल्या आगीवर नियंत्रण मिळवण्यासाठी तातडीने प्रयत्न सुरू केले. डम्पिंग ग्राउंडला लागलेल्या आगीमुळं परिसरात धुराचे साम्राज्य पसरले होते.

डम्पिंग ग्राउंडचा बराचसा परिसर आगीनं वेढला होता. कचऱ्याचे ढिग जळत होते. धुराचे लोट बाहेर पडत होते. परिसर धुराने काळवंडला होता. अग्निशमन दलाच्या कर्मचाऱ्यांनी तातडीने पाइपद्वारे पाण्याचा मारा करत आग आटोक्यात आणण्याचे प्रयत्न सुरू केले.