Massive Explosion news International Airport in Karachi : पाकिस्तानच्या कराची विमानतळाबाहेर मोठा हल्ला करण्याचा प्रयत्न करण्यात आलाय. जिओ न्यूजच्या रिपोर्ट्सनुसार, कराची विमानतळाजवळ झालेल्या स्फोटात तीन जणांचा मृत्यू झालाय. तर १७ जण जखमी आहेत. जखमींना जवळच्या रुग्णालयात उपचारासाठी दाखल करण्यात आलेय. गृह मंत्रालयाच्या अधिकाऱ्याने असोसिएटेड प्रेसला दिलेल्या माहितीनुसार, हा हल्ला चीनच्या नागरिकांवर करण्यात आला होता. हा स्फोट इतका भीषण होता, की कराची शहरात आवाज घुमला होता.

कराची विमानतळाबाहेर झालेल्या स्फोटाचे व्हिडीओ सोशल मीडियावर व्हायरल झाले आहेत. त्यामध्ये कारमध्ये भीषण आग लागल्याचे दिसत आहे. घटनास्थाळावर धुराचे लोट दिसत होते. दरम्यान, या हल्ल्यामुळे कराची विमानतळाचे कोणतेही नुकसान झालेले नाही. मिळालेल्या वृत्तानुसार, हा हल्ला आयईडीद्वारे करण्यात आलाय.