​कल्याणजवळील मोहने परिसरात मध्यरात्री तुफान राडा झाल्याची घटना घडली. मोहने पोलिस चौकी जवळच दोन गट एकमेकांना भिडले. दगडफेक, तोडफोड आणि हाणामारी करण्यात आली. या घटनेत ४ ते ५ जण जखमी झाले. या घटनेमुळे परिसरात तणावाचे वातावरण होते. पोलिसांचा मोठा फौजफाटा घटनास्थळी दाखल होत परिस्थिती नियंत्रणात आणण्यात आली. परिसरात तणावपूर्ण शांतता आहे. पोलिसांकडून दोन्ही गटांविरुद्ध गुन्हा दाखल करण्याची प्रक्रिया सुरू आहे. ​फटाक्यांच्या स्टॉलवरून झालेल्या वादातून दोन गट आपापसात भिडल्याची माहिती पोलिसांनी दिली.