वसईच्या माणिकपूर परिसरात लग्न समारंभात चक्क दोन गटात तुंबळ हाणामारी झाली. नवरा-नवरीकडच्या वऱ्हाडींनी एकमेकांना धूधू धुतलं. नवरदेव आणि नवरीकडून लग्नासाठी आलेल्या मंडळींकडून भरमंडपात तुंबळ हाणामारी करण्यात आली. या घटनेचा व्हिडीओ समोर आला असून तो व्हायरल होत आहे. मंडपातच वऱ्हाडींनी एकमेकांना खुर्च्या फेकून मारल्या यामध्ये अनेक जण जखमी झालेत. या घटनेमुळे लग्न मंडपात आणि परिसरामध्ये तणावाचे वातावरण होते.

या घटनेप्रकरणी माणिकपूर पोलिस ठाण्यात नवरदेवाच्या गटाकडून मारहाणीची तक्रार दाखल केली. तर नवरीच्या कुटुंबीयांकडून पॉक्सो कायद्यांतर्गत गंभीर गुन्हा दाखल करण्यात आला आहे. दोन्ही प्रकरणात पोलिसांनी काही आरोपींना ताब्यात घेण्यात आले आहे. पोलिस या सर्वांची चौकशी करत आहेत. पोलिस ठाण्याबाहेर लग्नाला आलेल्या पाहुण्यांनी मोठी गर्दी केली होती.