मराठा आरक्षणासाठी मराठी क्रांती ठोक मोर्चा देखील मैदानात उतरला आहे. अहिल्यानगर येथे मराठा समाजातील कार्यकर्त्यांची बैठक घेऊन मराठा क्रांती ठोक मोर्चाने आरक्षणासाठी दिल्ली येथे आंदोलन करण्याचा इशारा दिला आहे. मराठा आरक्षण हा मुद्दा राज्याचा नसून केंद्र सरकारच्या आखतारीतील आहे त्यामुळे राज्यात आरक्षणासाठी आंदोलन उपयोगाचे नसून दिल्ली येथे आंदोलनाचं हत्यार उपसावं लागणार आहे, असं बैठकीमध्ये निर्णय घेण्यात आला.

यासोबतच शरद पवारांनी १९९४ साली मंडल आयोगाला मान्यता देऊन अनेक जातींचा ओबीसीमध्ये समावेश केला. मात्र त्यांना त्यावेळी मराठा समाज दिसला नाही आता देखील शरद पवार यांनी मंडल यात्रा काढली आहे. त्यांना मराठ्यांसाठी एकही यात्रा काढावीशी वाटत नाही, अशी टीका देखील या बैठकीनंतर पत्रकारांशी बोलताना आंदोलकांनी केली आहे.