मुंबई : आमचं मुख्य ध्येय आरक्षण आहे. आमच्या मागण्या पूर्ण करा. सरकारला संधी आहे, आरक्षण देऊन टाका. समाज म्हणून आज उपोषणाला बसतोय. मला राजकीय भाषा वापरायची वेळ येऊ देऊ नका, असा इशारा मनोज जरांगे पाटलांनी सरकारला दिलाय. आंदोलनापूर्वी सरकारशी बोलणं झालं नाही, माझ्यात क्षमता आहे, असं देखील मनोज जरांगे यांनी म्हटलंय.

निवडणुकीशी आम्हाला देणं घेणं नाही. मला आणि माझ्या समाजाला राजकारणात जायचं नाही. आम्हाला राजकारणाबद्दल एक शब्दही बोलायचं नाही. पण आमच्या मागण्या पूर्ण करा. जर सरकारनं आरक्षण नाही दिलं, तर देवेंद्र फडणवीस जबाबदार असतील. आज मध्यरात्रीपासून पुन्हा मनोज जरांगे उपोषणाला बसणार आहेत. तर छगन भुजबळ यांना भांडणं लावायचा वाद असल्याचं त्यांनी म्हटलंय. छगन भुजबळ बुध्दीभेद करून दंगल घडणावर आहेत, असा आरोप देखील मनोज जरांगे यांनी केलाय.