मनोज जरांगे पाटील यांच्या आंदोलनाच्या समर्थनार्थ पुण्यात मराठा समाजाचे बांधव एकवटले आहेत. पुण्यातील कात्रज चौक परिसरात मराठा समाजाच्या बांधवांकडून मराठा आरक्षणाच्या मागणीसाठी आंदोलन करण्यात आले. यावेळी आंदोलकांनी जोरदार घोषणाबाजी करत ‘एक मराठा, लाख मराठा’ असा नारा दिला. मराठा आरक्षणाच्या मागणीसाठी आंदोलकांनी आपली भूमिका स्पष्ट करत सरकारचे लक्ष वेधण्याचा प्रयत्न केला. मनोज जरांगे पाटील यांच्या आंदोलनाला पाठिंबा देण्यासाठी मोठ्या संख्येने मराठा समाजाचे बांधव कात्रज चौक परिसरात एकत्र आले. यावेळी आरक्षणाच्या मागणीसाठी जोरदार घोषणाबाजी करण्यात आली. दरम्यान, आंदोलनामुळे कात्रज चौक परिसरात काही काळ वातावरणात तणावाचे वातावरण निर्माण झाले. आंदोलनामुळे मोठ्या प्रमाणात पोलिसांचा फौजफाटा जमा झाला असून आंदोलकांची धरपकड सुरू आहे.