मुंबई : एक मोठी राजकीय घडामोड समोर आली आहे. शरद पवार गटातील अनेक आमदार काँग्रेसमध्ये जाणार असल्याची शक्यता वर्तवली जाते आहे. त्याला कारण ठरलंय सुनील तटकरे यांनी केलेलं वक्तव्य. अनौपचारीक चर्चेत सुनील तटकरे यांनी महत्त्वाचं निरीक्षण नोंदवलंय. शरद पवार गटाच्या अनेक आमदारांनी सोनिया गांधी यांची वेळ मागितली असल्याचं सुनिल तटकरे यांनी म्हटलंय. त्यामुळे शरद पवार गटाचे काही आमदार हे काँग्रेसमध्ये जाणार असल्याच्या तयारीत आहेत की काय? अशी शंका उपस्थित केली जाते आहे. यामुळे राजकीय तर्क वितर्कांनाही उधाण आलंय. लोकसभा निवडणुकांच्या निकालाला आता काही दिवसच बाकी राहिलेले असताना सुनिल तटकरेंनी केलेल्या दाव्यामुळे राजकीय वर्तुळात खळबळ उडालीय.