उत्तर भारतीयांच्या मुद्द्यावरून महाराष्ट्र नवनिर्माण सेनेचे अध्यक्ष राज ठाकरे यांच्यावर भाजप खासदार मनोज तिवारी यांनी जोरदार टीका केली आहे.

भाजप खासदार निशिकांत दुबेंनंतर आता मनोज तिवारी यांनीही राज ठाकरे यांच्यावर जहरी शब्दांत हल्ला चढवला. राज ठाकरे हे आता राजकीय कचराकुंडीत गेले आहेत. त्यांच्यासोबत जो कोणी जाईल, तो संपल्याशिवाय राहणार नाही, अशा शब्दांत त्यांनी ठाकरेंवर टीकास्त्र सोडले. तिवारी पुढे म्हणाले, मराठी संस्कृतीचा अपमान करणाऱ्या आणि सामाजिक तेढ निर्माण करणाऱ्या राजकारण्यांना समाजातून बहिष्कृत केलंच पाहिजे. अशा प्रवृत्तीला कायदेशीर शिक्षाही मिळायलाच हवी. तिवारींच्या या वक्तव्यामुळे पुन्हा एकदा उत्तर भारतीय विरुद्ध मनसे हा वाद अधिक पेटण्याची शक्यता आहे.