मराठा आंदोलक मनोज जरांगे पाटील यांनी सरकारच्या शिष्टमंडळाशी चर्चा केल्यानंतर त्यांनी रात्री 1 वाजेच्या सुमारास आपले आमरण उपोषण मागे घेतले. उपोषणादारम्यान कडाक्याच्या उन्हात त्यांची प्रकृती खालावली, त्यामुळे त्यांना तातडीने छत्रपती संभाजीनगर येथील गॅलक्सी रुग्णालयात दाखल करण्यात आले आहे. डॉक्टरांनी त्यांना पुढील 48 तास विशेष निगराणीखाली ठेवण्याचा निर्णय घेतला असून त्यांच्यावर उपचार सुरू आहेत.

तसेच मनोज जरांगे पाटील यांनी राधाकृष्ण विखे पाटील यांच्याशी मराठा आरक्षणाबाबत सविस्तर चर्चा केल्यानंतर एक खळबळजनक मागणी केली. या मागणीबाबत त्यांना आज प्रश्न विचारताच ते म्हणाले, परळीवाल्या आता पुन्हा धारेवर धरणार आहे. धनंजय मुंडेची नार्को टेस्ट करा. ही टेस्ट केली की सगळेच उघडे होईल. आंधळे प्रकरणात काय झाले, संतोष देशमुखांचे काय झाले, सगळे कळेल .

काही महिन्यांपूर्वी मनोज जरांगे पाटील यांना गोळ्या घालीन अशी धमकी देणाऱ्या वाल्मीक कराड समर्थकाची एक ऑडिओ क्लिप व्हायरल झाली होती याच्याशी संबंधित असून याच विषयावर मनोज जरांगे यांनी धनंजय मुंडेंवर जोरदार हल्ला बोल केला.