राज्याचे कृषिमंत्री माणिकराव कोकाटे यांच्या विधानसभेतला रम्मी गेम खेळतानाचा व्हिडिओ व्हायरल झाल्यानंतर विरोधक आणि सत्ताधारी दोघांनी याचा विरोध केला आहे. मुख्यमंत्री देवेंद्र फडणवीस यांनी यावर आता पहिल्यांदा प्रतिक्रिया देत म्हणाले, जे घडले ते अतिशय चुकीचे आहे. विधानसभेमध्ये अशा प्रकारची गंभीर चर्चा सुरू असताना आपले काम नसले तरी आपण गंभीर असणे गरजेच आहे. साधारणपणे सभागृहात कामकाजाचे कागद वाचता, किंवा इतर काही वाचत असेल तर ठिक आहे, पण रमी खेळणे हे काही बरोबर नाही. माणिकराव कोकाटे यांनी त्यावर स्पष्टीकरण दिले आहे. त्यांनी काहीही सांगितले तरी ते काही आमच्यासाठी भूषणावह नाही अशा शब्दात फडणवीस यांनी कोकाटे यांना सुनावले.