मुंबईकरांसाठी महत्त्वाची बातमी आहे. मंडाळे ते चेंबूर दरम्यानची बहूप्रतिक्षित मेट्रो सेवा यंदा महिन्याच्या अखेरीस प्रवाशांसाठी सुरु होण्याची शक्यता आहे. आजपासून मेट्रो रेल्वे सुरक्षा आयुक्त पथकाने पहिल्या टप्प्याच्या मार्गाची तपासणी सुरू केली आहे. या तपासणीत मार्गावरील सर्व तांत्रिक बाबी, सुरक्षा मानके आणि प्रवासी सोयींचा बारकाईने आढावा घेतला जाणार आहे.

तपासणी पूर्ण झाल्यानंतर CMRS कडून सुरक्षा प्रमाणपत्र मिळाल्यानंतरच या मेट्रोचा पहिला टप्पा प्रवाशांसाठी सुरू केला जाणार आहे. मांडळे-चेंबूर मेट्रो मार्ग सुरू झाल्यास पूर्व उपनगरातील प्रवाशांना मोठा दिलासा मिळणार असून प्रवासाचा वेळ लक्षणीयरीत्या कमी होणार आहे. त्यामुळे या मेट्रो मार्गाची प्रतीक्षा करणाऱ्या नागरिकांमध्ये उत्सुकता आणि आनंदाचे वातावरण आहे.