मुंबई उपनगरातील दहिसर भागात भीषण आग लागल्याची घटना घडली आहे. ही घटना दहिसर पूर्वेकडील जनकल्याण नगर परिसरात आज दुपारी भीषण आग लागल्याची घटना घडली आहे. आगीची माहिती मिळताच अग्निशमन दलाच्या चार गाड्या तातडीने घटनास्थळी दाखल झाल्या असून, आगीवर नियंत्रण मिळवण्यासाठी युद्धपातळीवर प्रयत्न सुरू आहेत. या घटनेची माहिती मिळताच दहिसर पोलिसांनीही घटनास्थळी धाव घेतली आहे. परिसरात मोठ्या प्रमाणावर धूर पसरल्याने नागरिकांमध्ये भीतीचे वातावरण निर्माण झाले आहे. मात्र, आगीचे नेमके कारण अद्याप स्पष्ट झालेले नाही.