MahaYuti seat sharing issue before municipal elections : महापालिका निवडणुका तोंडावर आल्या आहेत, मात्र महायुतीमध्ये जागावाटपाचा तिढा अद्याप सुटलेला नाही. भाजप आणि शिंदे सेनेमध्ये अनेक ठिकाणी संघर्ष निर्माण झाल्याने तोडगा निघणे कठीण झाले आहे. 'भाजप शिंदे सेना युती झाल्यास बंडखोरी अटळ आहे', अशी भीती व्यक्त केली जात आहे. महापालिकांच्या प्रभागांमध्ये 'सिटिंग गेटिंग'चा फॉर्म्युला राबवण्यात अडचणी येत आहेत. नवी मुंबई, छत्रपती संभाजीनगर, नाशिक आणि जळगाव या शहरांमध्ये युतीसमोर मोठे आव्हान उभे राहिले आहे. अजित पवारांच्या सहभागामुळे जागावाटप अधिक गुंतागुंतीचे होण्याची शक्यता वर्तवली जात आहे.

नवी मुंबईमध्ये शिंदे सेने अन् भाजप यांच्यामध्ये थेट संघर्ष दिसत आहे. छत्रपती संभाजीनगर, नाशिक, जळगावमध्येही परिस्थिती तशीच आहे. KDMC मध्ये शिंदे अन् भाजप आमनेसामने येतील, असे बोलले जात आहे.