उस्मानाबाद विधानसभेच्या जागेवरून महायुतीत पेच कायम असल्याचं बघायला मिळत आहे. त्यामुळे उस्मानाबाद विधानसभेची जागा महायुतीत कोणाला मिळणार? याकडे सगळ्यांचं लक्ष लागलं आहे. सध्या तीनही पक्षाचे नेते मुंबईत तळ ठोकून असून भाजपचे राणाजगजीतसिंह पाटील आणि शिवसेना शिंदे गटाचे तानाजी सावंत यांच्यात वर्चस्वाची लढाई आहे.

भाजपकडून नितीन काळे, अजित पिंगळे, सरोजिनी राऊत हे या जागेसाठी इच्छुक आहेत. शिंदे गटाकडून नितीन लांडगे, सुधीर पाटील, सुरज सोळंके, तानाजी सावंत यांचे पुतणे धनंजय सावंत इच्छुक असल्याचं समजत आहे. दरम्यान, अजित पवार गटाकडूनही 2019 विधानसभा निवडणुकीत दुसऱ्या क्रमांकाचे उमेदवार म्हणून जागेवर दावा केला आहे. शिक्षक आमदार विक्रम काळे राष्ट्रवादीकडून इच्छुक कार्यकर्त्यांच्या भेटीगाठीलाही सुरुवात केली आहे. मनोज जरांगे यांचा पाठिंबा मिळाला तर राष्ट्रवादी शहर पवार गटाला सोडचिठ्ठी देत विधानसभेच्या आखाड्यात उतरण्याची डॉ.प्रतापसिंह पाटील यांची तयारी असल्याचं सूत्रांकडून सांगण्यात आलं आहे.

Edited by Rakhi Rajput