नगरपालिका आणि नगरपंचायतींच्या निवडणुका जाहीर झाल्यानंतर आता झेडपी आणि महापालिका निवडणुकांच्या तारखा कधी जाहीर होणार याकडे राज्याचे लक्ष लागले आहे. 'नोव्हेंबरच्या तिसऱ्या आठवड्यात झेडपी निवडणुका जाहीर होऊन डिसेंबरच्या तिसऱ्या आठवड्यात त्या संपल्या जाण्याची शक्यता आहे, तर महापालिकांच्या निवडणुकांची घोषणा डिसेंबरच्या तिसऱ्या आठवड्यात होऊन जानेवारीच्या तिसऱ्या आठवड्यात निवडणुका पार पडण्याची शक्यता आहे.'

ताज्या माहितीनुसार, निवडणूक आयोग टप्प्याटप्प्याने निवडणुका घेत असून, नगर परिषदा आणि नगर पंचायतींसाठी मतदान २ डिसेंबरला होणार आहे. त्यामुळे आता जिल्हा परिषद आणि महापालिका निवडणुकांची घोषणा लवकरच अपेक्षित आहे. रायगड, रत्नागिरी, पुणे, नाशिक, कोल्हापूर, नांदेड, अमरावती आणि वर्धा यांच्यासह अनेक जिल्ह्यांमध्ये जिल्हा परिषद निवडणुका प्रलंबित आहेत. सर्वोच्च न्यायालयाच्या आदेशानुसार ३१ जानेवारी २०२६ पूर्वी सर्व स्थानिक स्वराज्य संस्थांच्या निवडणुका घेणे बंधनकारक आहे.