राज्यात पुन्हा एकदा हवामानात बदल होताना दिसतोय. कोकणातील रत्नागिरी, सिंधुदुर्ग आणि कोल्हापूरच्या घाटमाथ्यावर आज जोरदार पावसाच्या सरींची शक्यता हवामान विभागाने वर्तवली आहे. त्याचसोबत, मध्य महाराष्ट्र, मराठवाड्याच्या दक्षिणेकडील जिल्हे, तसेच विदर्भ भागात पावसाचा यलो अलर्ट जारी करण्यात आला आहे. उर्वरित महाराष्ट्रात हलक्या सरींसह विजांचा कडकडाट होण्याची शक्यता आहे.

दरम्यान, पावसाच्या या हालचाली असूनही राज्यात तापमानाचा पारा तिशी पार गेला आहे. त्यामुळे अनेक भागांमध्ये उन्हाचा तीव्र चटका आणि उकाडा जाणवत असून, नागरिकांची झोपेचीही तारांबळ उडाली आहे. हवामान खात्याने नागरिकांना सतर्क राहण्याचे आवाहन केले असून, विशेषत: कोकण व घाटमाथ्याच्या भागात असणाऱ्यांनी आवश्यक ती काळजी घ्यावी, असे आवाहन करण्यात आले आहे.