राज्यात एकीकडे थंडीचा कडका वाढत असताना अवकाळी पावसाचा इशारा हवामान विभागाने दिलाय. गारठ्यासह पावसाच्या हलक्या सरी कोसळणार असल्यानं शेतकऱ्यांची चिंता वाढलीय. पुढील दोन दिवस अवकाळी पाऊस होणार असल्याची शक्यता हवामान विभागाने वर्तवलीय. राज्यातील मराठावाडा, मध्य-उत्तर महाराष्ट्रात पावसाचा इशारा देण्यात आलाय. या भागात हलक्या ते मध्यम स्वरुपाचा पाऊस पडण्याची शक्यता आहे.

अनेक भागात पावसाचं वातावरण तयार झाल्याने पाऊस होणार असल्याचा इशारा हवामान विभागाने दिलाय. दुसरीकडे कोकण विदर्भातील तापमानात घट झाली आहे. या भागातील तापमानात २ ते ३ अंश तापमान कमी होणार आहे. उत्तर महाराष्ट्र आणि विदर्भात काही ठिकाणी किमान तापमानाचा पारा कमी झालंय. राज्याच्या किमान तापमानात आणखी घट होण्याची शक्यता आहे. त्यामुळे थंडाचा कडाकाही वाढलाय. उत्तर भारतातील राज्यांमध्ये थंडीचा कडाका सातत्याने कमी-अधिक होतोय. राजस्थानमधील जैसलमेर येथे देशाच्या सपाट भूभागावरील नीचांकी ६.१ अंश सेल्सिअस तापमानाची नोंद झाली.