सांगली येथे पोलिसांची मोठ्या प्रमाणावर फसवणूक झाल्याचा प्रकार उघडकीस आला आहे. स्वस्त घर देण्याच्या नावाखाली आजी-माजी पोलिसांची तब्बल 1100 कोटींची फसवणूक करण्यात आली आहे. महाराष्ट्र पोलीस मेगा सिटी बचाव कृती समितीने या घोटाळ्याचा आरोप करत, संचालक मंडळातील वरिष्ठ पोलिस अधिकाऱ्यांचा यात सहभाग असल्याचा गंभीर दावा केला आहे.

या भ्रष्टाचारात उच्चपदस्थ पोलिस अधिकाऱ्यांचे संगनमत असल्याने आरोपींना पाठीशी घालण्यात येत असल्याचा आरोपही करण्यात आला आहे. या प्रकरणाच्या निषेधार्थ १ मार्च रोजी महा-रेरा कार्यालयावर भव्य मोर्चा काढण्याचा निर्णय घेण्यात आला आहे.