अजित पवार यांच्यामागे काकांची पुण्याई असल्याचे स्पष्ट झाले असल्याचा टोला काँग्रेस आमदार विजय वडेट्टीवार यांनी लगावला आहे. परिस्थितीनुसार सगळ्यांना बदलावे लागते, असं देखील त्यांनी म्हटले आहे. वडेट्टीवार यांच्या या वक्तव्यामुळे राजकीय वर्तुळात चर्चांना उधाण आले आहे.

'परिस्थितीनुसार सगळे बदलतात. अनेक जण बदलत आहेत. अजितदादा यांच्याकडून जर शरद पवारसाहेबांचा दैवत म्हणून उल्लेख होत असेल तर बीडच्या भाषणातही त्यांनी याचा उल्लेख केला आहे. पुण्याई कुणाची तर आई-वडिलांची आणि चुलत्याची पुण्याई असे ते बोलले आहेत. तर हे स्पष्ट आहे की त्यांच्यामागे काकांची पुण्याई आहे.

तसंच, 'आता दिवस दूर नाही. ३ वर्षांनी ते कुठं दिसतील याचा अंदाज येणं सुरू झाले आहे. स्वतंत्र अस्तित्व निर्माण करावे लागणार आहे. याची तयारी दोन्ही पक्ष करणार नाही. तर अस्तित्व शून्य अशी परिस्थिती निर्माण होईल. दैवत म्हणून उल्लेख हा काकांची पुण्याई त्यांचा मागे आहे.', असं देखील वडेट्टीवार म्हणाले.