सोलापूर जिल्ह्यात जिल्हा परिषद निवडणुकीच्या निमित्ताने राजकीय रणधुमाळी सुरू झाली आहे‌. राष्ट्रवादी नेते समाधान काळे, गणेश पाटील यांनी सोलापूरचे पालकमंत्री जयकुमार गोरे यांच्या उपस्थितीमध्ये भाजपमध्ये पक्षप्रवेश केला.या कार्यक्रमात बोलताना त्यांनी माढ्याचे शरद पवार गटाचे आमदार अभिजीत पाटील यांच्यावर निशाणा साधत त्यांना इशारा दिला.'नाद कुणाचा पण करा, पण देवाभाऊंच्या नादी लागू नका.', असा थेट इशारा जयकुमार गोरे यांनी विरोधकांना दिला. 'काही जण भाजप आणि नेत्यांना संपवू अशी भाषा करत आहेत. परंतू भाजप संपवणारा अजून जन्माला यायचा आहे. आपल्या क्षमते आणि कुवतीप्रमाणे बोलावं. भाजपने छत काढलं तर काय होईल याचाही विचार आमदार पाटील यांनी करावा.', असा सल्ला वजा इशारा जयकुमार गोरे यांनी अभिजीत पाटील यांना दिला आहे.