राष्ट्रवादी काँग्रेसमध्ये दोन गट पडल्यानंतर शरद पवार आणि अजित पवार यांच्यातील संवाद जवळपास संपलाच होता असे काहीसे चित्र दिसत होते. दोन दिवसापूर्वी अजित पवार यांचा मुलगा जय पवार यांच्या साखरपुड्याला शरद पवार यांच्यासह सुप्रिया सुळे यांनी हजर लावली. या साखरपुड्यात सर्व पवार कुटुंबीय एकत्रपणे हा सोहळा आनंदीत साजरा करताना दिसले. आज परत एकदा एका बैठकीत अजित पवार आणि शरद पवार हे एकत्र दिसले. फक्त एकत्रच नाही तर एकमेकांच्या शेजारी देखील बसल्याचे पाहायला मिळाले. रयत शिक्षण संस्थेच्या बैठकीला दोघांनी हजर लावली. सातारा येथे ही बैठक पार पडली. दोघेही एकमेकांच्या आजूबाजूला बसले होते. या बैठकीतील काही फोटो आणि व्हिडिओ समोर आले होते तसेच या बैठकीत दिलीप वळसे पाटील आणि विश्वजीत कदम देखील उपस्थित होते.