Sanjog Waghere Ajit Pawar Viral Video: महाविकास आघाडीच्या उमेदवाराने अजित पवार यांना वाकून नमस्कार केल्याचा व्हिडीओ व्हायरल झाला आहे. एका विवाह सोहळ्यातील हा व्हिडीओ प्रचंड चर्चेत आलाय. संजोग वाघेरे यांनी ठाकरे गटात प्रवेश केला होता. त्यानंतर त्यांना उमेदवारीही देण्यात आली. या उमेदवारीनंतर महायुतीच्या विरोधात लढणाऱ्या मविआच्या उमेदवारानं अजित पवार यांना वाकून नमस्कार केल्याचा व्हिडीओ समोर आला आहे. संजोग वाघेरे यांना महाविकास आघाडीने मावळमधून उमेदवारी दिली आहे. महायुतीमधून शिवसेनेच्या श्रीरंग बारणेंच्या विरोधात ते लोकसभा निवडणुकींच्या रिंगणात उतरले आहेत. अशातच अजित पवारांसोबतच्या त्यांच्या व्हिडीओने चर्चांना उधाण आणलंय.