मुंबई : हिंगोली दौऱ्यादरम्यान उपमुख्यमंत्री अजित पवार यांना मराठा आंदोलकांचा रोष सहन करावा लागला आहे. अजित पवार यांचा ताफा अडवत आंदोलकांनी मराठा आरक्षणावरील भूमिका स्पष्ट करा, अशी मागणी केली होती. अजित पवार उभे राहताच मराठा आंदोलकांनी सभेत मोठा गोंधळ घातला. यावेळी त्यांनी एक मराठा लाख मराठा, अशा घोषणा दिल्या होत्या. त्यामुळे स्टेज असलेल्या परिसरात चांगलाच गोंधळ उडाल्याचं पाहायला मिळालं होतं.

हिंगोलीत अजित पवारांच्या सभेत मोठा राडा काल झाला होता. यावेळी मराठा आंदोलक आणि पोलिसांत देखील प्रचंड बाचाबाची झालीय. संतप्त जमावाला शांत करणं पोलिसांना कठीण जात होतं. पोलिसांनी जमाव पांगविण्यासाठी आंदोलकांवर सोम्य लाठीचार्ज केला, यात आंदोलक जखमी झालेत. यावेळी मराठा आंदोलक अजित पवार यांच्याविरोधात घोषणाबाजी करत होते. हिंगोलीमध्ये मोठं संतापाचं वातावरण यावेळी निर्माण झालं होतं.