मुंबई महानगर पालिका निवडणुकीच्या रणधुमाळीदरम्यान मुंबईत मोठी राजकीय घडामोड घडली. शिवसेना ठाकरे गटाचे खासदार संजय राऊत आणि राज्याचे उपमुख्यमंत्री एकनाथ शिंदे यांची भेट झाली. एका वृत्तवाहिनीच्या कार्यक्रमादरम्यान दोन्ही नेते भेटल्याची माहिती समोर आली आहे. या भेटीचा फोटो समोर आला आहे. यामध्ये एकनाथ शिंदे आणि संजय राऊत दोघे गप्पा मारताना दिसत आहेत.

दोन्ही नेत्यांच्या भेटीमुळे राजकीय वर्तुळात चर्चा होऊ लागली आहे. पण दोन्ही नेत्यांनी एकमेकांची फक्त विचारपूस केल्याचे सांगितले जात आहे. संजय राऊत हे आतापर्यंत एकनाथ शिंदे आणि त्यांच्या पक्षाच्या नेत्यांवर टीका करत आले आहेत. महापालिका निवडणुकीच्या रणधुमाळी सुरू आहे. त्यामुळे सातत्याने मुलाखती सुरू आहेत. अशाच एका वृत्तवाहिनीने घेतलेल्या मुलाखतीदरम्यान संजय राऊत आणि एकनाथ शिंदे यांची भेट झाली. १५ ते २० सेकंदच या दोन्ही नेत्यांची भेट झाली. या भेटीनंतर चर्चांना उधाण आले आहे.