स्थानिक स्वराज्य संस्थांच्या निवडणुकीमध्ये कोंकणामध्ये आता राजकीय वातावरण चांगलेच तापले आहे. सिंधुदुर्ग आणि रत्नागिरीमध्ये शिंदेसेना आणि भाजप असा संघर्ष सुरू आहे. शिवसेनेचे माजी मंत्री आमदार दीपक केसरकर यांनी भाजपवर जोरदार हल्लाबोल केला आहे. सावंतवाडी नगराध्यक्ष पदाच्या उमेदवाराला चार मराठी शब्द बोलता येत नाही, असे म्हणत केसरकर यांनी भाजपच्या नगराध्यक्ष पदाच्या उमेदवार श्रद्धा सावंत यांना टोला लगवाला आहे.

भाजपला मतदान करणे म्हणजे विरोधकांना मत देण्यासारखे आहे. असा जोरदार हल्लाबोल केसरकर यांनी केला. नारायण राणे यांनी युतीचे आदेश देऊनही भाजपने ते पाळले नाहीत आणि आपल्या विरोधात षडयंत्र रचले, असे केसरकर म्हणाले. विरोधी उमेदवारांना भाजप फायनान्स करत असल्याचा आरोपही त्यांनी केला.