मुंबई : महायुतीतील अंतर्गत वाद आता चव्हाट्यावर आलाय. अजित पवार गटाच्या ताफ्याला भाजप कार्यकर्त्यांनी पुण्यात काळे झेंडे दाखवल्याचा प्रकार समोर आलाय. भाजपच्या माजी जिल्हा परिषद अध्यक्षांनी निषेध व्यक्त केलाय. अजित पवार यांनी पालकत्वाची भूमिका बजावलेली नाही, असा आरोप देखील भाजप कार्यकर्त्यांनी केलाय.

अजित पवारांच्या जनसन्मान यात्रेत भाजपाच्या माजी जिल्हा परिषद अध्यक्ष आशा बुचके यांच्यासह कार्यकर्त्यांनी काळे झेंडे दाखवले. त्यांनी घोषणाबाजी सुरू केली. पर्यटन तालुका असताना शासकीय कार्यक्रम घेऊन घटक पक्षांना डावललं जात असल्याचा आरोप भाजप कार्यकर्त्यांनी केलाय. अजित पवारांनी पालकत्वाची भूमिका पाळली नाही, याबाबत तीव्र शब्दात नाराजी व्यक्त करत बुचके यांनी अजित पवारांच्या कार्यक्रमात काळे झेंडे दाखवण्यासाठी तयारी करत घोषणाबाजी सुरू केली होती. अजित पवार यांच्या विरोधात जोरदार घोषणाबाजी केल्याचं व्हिडिओमध्ये दिसतंय.