भाजपचे आमदार प्रशांत बंब यांनी शिक्षकांविरोधात केलेल्या वक्तव्यावरून वाद चिघळला आहे. शिक्षकांबद्दल पुन्हा अर्वाच्य भाषेत बोलले तर आम्ही त्यांना काळं फासल्याशिवाय राहणार नाही, असा थेट इशारा भाजप शिक्षक आघाडीचे प्रदेश सहसंयोजक शेखर भोयर यांनी दिला आहे.

शिक्षक संपावर असताना त्यांची वेतनकपात न करता त्यांना सस्पेंड करण्याची मागणी आमदार प्रशांत बंब यांनी केली होती. यावर संताप व्यक्त करत भोयर म्हणाले की चार फुटाचे आमदार प्रशांत बंब देशाची पिढी घडवणाऱ्या शिक्षकांविषयी वारंवार अर्वाच्य भाषेत बोलत असतात. प्रत्येक समाजात दोन-तीन टक्के वाईट लोक असतात म्हणून संपूर्ण शिक्षक समाजाला बदनाम कसे करता येईल?

यापुढेही आमदार बंब यांनी शिक्षकांविषयी अर्वाच्य भाषा वापरली, तर शिक्षक रस्त्यावर उतरतील आणि काळ फासल्याशिवाय राहणार नाही.