सध्या राज्यात मराठी हिंदी भाषेवरून मोठा वाद सुरू आहे. मनसेने सुरुवातीपासून याला कडाडून विरोध केल्याचे पाहायला मिळत आहे. अशातच आज मुंबईतील दादरच्या छत्रपती शिवाजी महाराज पर्कात मनसेच्या बॅनरवर उपमुख्यमंत्री अजित पवारांचा फोटो लावण्यात आला आहे. त्यामुळे अनेकांच्या राजकीय भुवया उंचावल्या आहेत. अजित पवारांनी काही दिवसांपूर्वी पहिलीपासून मराठी भाषेची सक्ती नको, पाचवीपासून हिंदी भाषा असायला पाहिजे अशी त्यांची भूमिका स्पष्ट केली होती. त्याच व्यक्तव्याला दुजोरा देत या बॅनरद्वारे सरकारवर मनसेकडून ताशेरे ओढण्यात आले आहे. मनसेचे नेते यशवंत किल्लेदार यांनी लावलेल्या बॅनरची सध्या दादरमध्ये चर्चा रंगली आहे.