राज्याचे गृहराज्यमंत्री योगेश कदम यांचा मोबाईल चोरीला गेल्याची घटना समोर आली आहे. योगेश कदम हे काल बीडच्या दौऱ्यावर होते. मस्साजोगचे सरपंच संतोष देशमुख कुटुंबियांची त्यांनी भेट घेतली. त्यावेळी ते देशमुख कुटुंबीयांशी संवाद साधत असताना त्यांचा मोबाईल गहाळ झाला आहे. या प्रकरणी त्यांनी केज पोलीस ठाण्यात मोबाईल गहाळ झाल्याची तक्रार दाखल करण्यात आल्याची माहिती पोलिसांकडून देण्यात आली आहे. या घटनेमुळे सर्वत्र आश्चर्य व्यक्त केले जात आहे. मात्र गृहराज्यमंत्र्यांचाच मोबाईल सुरक्षित नसेल तर समान्यांच काय ? असा प्रश्न या प्रकरणावरून उपस्थित आहे.