राज्यात प्रलंबित असलेल्या स्थानिक स्वराज्य संस्थांच्या निवडणुकांचा मार्ग मोकळा होण्याची शक्यता आहे, कारण राज्य निवडणूक आयोग आज दुपारी ४ वाजता पत्रकार परिषद घेणार आहे. 'याच पत्रकार परिषदेत स्थानिक स्वराज्य संस्थांच्या निवडणुकांची घोषणा होऊ शकते', अशी दाट शक्यता वर्तवण्यात येत असल्याने आजपासूनच आचारसंहिता लागू होण्याची शक्यता आहे. या निवडणुका एकूण तीन टप्प्यांत होण्याची शक्यता असून, यात २९ महानगरपालिका, ३२ जिल्हा परिषदा, २४६ नगरपालिका आणि ४२ नगरपंचायतींचा समावेश आहे. पहिल्या टप्प्यात नगरपालिका आणि नगरपंचायतीच्या निवडणुका होतील, तर तिसऱ्या टप्प्यात मुंबई, पुणे, ठाणे, नागपूर, छत्रपती संभाजीनगर यांसारख्या मोठ्या महानगरपालिकांच्या निवडणुका पार पडतील.