महाराष्ट्रातील बहुचर्चित लाडकी बहीण योजनेतील अपात्र लाभार्थ्यांची तपासणी करण्यासाठी राज्य सरकारने महत्त्वपूर्ण पाऊल उचलण्याची तयारी दर्शवली आहे. मिळालेल्या माहितीनुसार, राज्य सरकार आणि प्राप्तिकर विभाग यांच्यात लवकरच एक सामंजस्य करार होण्याची शक्यता आहे. या करारामार्फत प्राप्तिकर विभागाकडून लाडकी बहीण योजनेसाठी लाभार्थ्यांची उत्पन्नविषयक माहिती मिळवली जाणार असून, त्या आधारे अपात्र लाभार्थ्यांची यादी तयार केली जाणार आहे. मात्र, योजनेतील लाडक्या बहिणींच्या वैयक्तिक माहितीस गोपनीयतेच्या चौकटीत ठेवण्याची खबरदारी यामध्ये घेण्यात येणार आहे.

राज्य सरकारने याआधीच प्राप्तिकर विभागाकडे संबंधित माहितीचा अहवाल मागवलेला होता. मात्र, अनेक महिने उलटूनही हा अहवाल प्राप्त झालेला नाही. त्यामुळे आता अधिकृत सामंजस्य कराराच्या दिशेने पावले उचलली जात आहेत. सध्या यासंदर्भात प्राथमिक पातळीवर बोलणी सुरू असून, लवकरच यावर शिक्कामोर्तब होण्याची शक्यता वर्तवली जात आहे.