हिंदी सक्तीवरून महाराष्ट्रात संपूर्ण महाराष्ट्र खवळून निघाला होता. तसेच येणाऱ्या 5 जुलैला होणाऱ्या मोर्चामुळे सरकारने धास्ती घेत अखेर आज हिंदी भाषा सक्तीचे दोन्ही जीआर रद्द केले. याबाबत मुख्यमंत्री देवेंद्र फडणवीस यांनी पत्रकार परिषद घेत घोषणा केली.

यानंतर मनसे कार्यकर्त्यांकडून मोठा जल्लोष करण्यात आला. मनसे प्रमुख राज ठाकरे यांच्या शिवतीर्थ या निवसस्थाना बाहेर मनसैनिकांनी फटाके वाजवत जल्लोष केला. यावेळी मनसेचे नेते संदीप देशपांडे, नितीन सरदेसाई आणि बाळा नांदगावकर यांनी ढोल ताशा घेत आनंद साजरा केला. तसेच सरकार मराठी माणसाच्या एकजुटीला घाबरले असे प्रतिक्रिया संदीप देशपांडे यांनी दिली.