राज्य सरकारनं आदर्श महाविद्यालयांतील शिक्षकांसाठी ऐतिहासिक निर्णय घेतला आहे. 7 महाविद्यालयांतील प्राध्यापकांना आता University Grants Commission (UGC) स्केलनुसार वेतन दिलं जाणार आहे. मंत्रिमंडळानं मूळ वेतन आणि महागाई भत्त्याला मंजुरी दिल्यामुळे अनेक वर्षांपासून प्रलंबित असलेला वेतनाचा प्रश्न अखेर मार्गी लागला आहे. तसंच, भविष्यातील पदभरती प्रक्रियेत या प्राध्यापकांना 10 अतिरिक्त गुण दिले जाणार आहेत. या निर्णयामुळे शिक्षकांना मोठा आर्थिक दिलासा मिळालाय आणि त्यांच्या भविष्यासाठीही सकारात्मक बदल घडणार आहेत. या निर्णयामुळे सात महाविद्यालयातील शिक्षक, सहायक प्राध्यापकांना युजीसी स्केलनसार बेसिक सॅलरी, डीए आणि इतर भत्ते मिळणार आहेत.