मराठवाडा आणि सोलापूरमध्ये झालेल्या अतिवृष्टीमुळे शेतकऱ्यांचे प्रचंड नुकसान झालं. हाता तोंडाशी आलेलं पीक वाहून गेलं आणि अनेकांची घरं सुद्धा उद्ध्वस्त झाली. जनावरं वाहून गेली, संसार उपयोगी वस्तू खराब झाल्या. शिक्षणाची पंढरी मानल्या जाणाऱ्या पुणे शहरात आज मराठवाड्यातील शेकडो विद्यार्थी शिक्षण घेत आहेत. या विद्यार्थ्यांनी त्यांच्या व्यथा आणि आई वडिलांशी नेमकं काय बोलणं झालं हे सांगितलं. दिवाळी गोड होणार का नाही माहिती नाही पण मदत नाही मिळाली तर शिक्षण सोडून गावी परत जावं लागेल, असं या विद्यार्थ्यांनी सांगितलं. मराठवाडा, विदर्भातून स्पर्धा परीक्षेची तयारी करणाऱ्या विद्यार्थ्यांचे रडून रडून बेहाल झाले आहे.