Mumbai municipal election results likely to be delayed : मुंबईसह राज्यातील २९ महापालिका निवडणुकीसाठी सध्या प्रचाराचा धुरळा उडालाय. १५ जानेवारी रोजी मुंबई, पुण्यासह २९ महापालिकेसाठी मतदान होणार आहे. तर त्यानंतर दुसर्‍याच दिवशी १६ जानेवारी रोजी निवडणूक निकाल जाहीर होणार आहे. पण निवडणूक निकाल संपूर्ण जाहीर होण्यास वेळ लागण्याची शक्यता आहे.

मनपा निवडणुकीसाठी एकावेळी एकाच वॉर्डच्या मतमोजणी करण्यात येणार आहे. त्यामुळे मनपा निवडणुकीचे निकाल उशिरानं लागण्याची शक्यता आहे. मुंबईसह राज्यातील २९ महापालिकांसाठी 16 जानेवारी रोजी सकाळी ८ वाजल्यापासून मतमोजणी सुरू होणार आहे. या निवडणुकीत मुंबईतील २२७ प्रभागांसाठी २३ विभाग निवडणूक कार्यालयं मतमोजणी कऱण्यात येणार आहे.