काँग्रेस कार्यकर्त्यांकडून मतदारांना पैसे वाटपाचा व्हिडिओ व्हायरल झाला आहे. शिर्डी मतदारसंघातला हा व्हिडिओ आहे. राहाता शहरातील प्रभागात पैसे वाटपाचा हा व्हिडिओ आहे. काँग्रेसच्या उमेदवार प्रभावती घोगरे यांच्यासाठी पैसे वाटपाचा आरोप करण्यात आला आहे. शिर्डीत भाजपचे राधाकृष्ण विखे पाटील विरुद्ध काँग्रेसच्या प्रभावती घोगरे अशी लढत आहे. राधाकृष्ण विखे पाटील यांचा हा बालेकिल्ला आहे. शिर्डीत विखे पाटील यांचा दांडगा जनसंपर्क आहे. त्यातच आता विरोधक आणि सत्ताधाऱ्यांत मतदानाच्या अंतिम टप्प्यात आरोप प्रत्यारोप होत असल्याने आता या व्हायरल व्हिडिओमुळे पैसे वाटपाच्या मुद्द्यावर प्रश्नचिन्ह उपस्थित होत आहे.