हिंगोलीमध्ये एक कोटींहून अधिक रोकड जप्त करण्यात आली आहे. हिंगोली पोलीस आणि निवडणूक विभागाच्या कर्मचाऱ्यांनी ही कारवाई केलेली आहे. विधानसभा निवडणूक 2 दिवसांवर येऊन ठेपलेली असताना एवढ्या मोठ्याप्रमाणात रोकड मिळाल्याने हिंगोली परिसरात खळबळ उडाली आहे.

विधानसभा निवडणुकीच्या मैदानात राज्यात विविध शहरात पैशांचा पाऊस होताना दिसत आहे. त्यातच आता निवडणुक अंतिम टप्प्यात आलेली असताना हिंगोलीत निवडणूक आयोगाने एक कोटीपेक्षा जास्त रोकड जप्त केली आहे. पोलीसांच्या नाकाबंदी दरम्यान एका ट्रॅव्हलमधून ही सर्व रक्कम जप्त करण्यात आली आहे. ही रक्कम कुठून आली, ट्रॅव्हलमधून ती कुठे नेण्यात येत होती, याचा काही राजकीय संबंध आहे का याचा तपास सध्या पोलीस करत आहेत. आचारसंहितेच्या काळात एवढ्या मोठ्या प्रमाणात रोकड मिळून आल्याने याबद्दल प्रश्नचिन्ह उपस्थित होते आहेत.

Edited By Rakhi Rajput