थेट सिग्नल यंत्रणाच बिघडवून महालक्ष्मी एक्स्प्रेस लुटलीय. महिलांचे 2लाखांचे दागिने लंपास केलेयत. मुंबईहून कोल्हापूरकडे जाताना लूट केलीय. सातारा जिल्ह्यातल्या सालपे स्थानकाजवळ सिग्नल यंत्रणेत बिघाड करून रेल्वे थांबवली. त्यानंतर 5 ते 6 दरोडेखोरांनी 3 महिला प्रवाशांच्या गळ्यातले सोन्याचे दागिने हिसकावून नेले.3सुरक्षा कर्मचारी असतानाही लूट केल्यानं, प्रवाशांच्या सुरक्षेचा प्रश्न निर्माण झालाय.

मुंबई-कोल्हापूर महालक्ष्मी एक्स्प्रेसमध्ये सिग्नल यंत्रणेत बिघाड करून रेल्वे थांबवत महिलांच्या अंगावरील सोन्याचे दागिने लुटल्याची धक्कादायक घटना घडली आहे. सातारा जिल्ह्यातील लोणंद ते सालपा स्थानकांदरम्यान मध्यरात्री अडीचच्या सुमारास हा प्रकार घडला. दोन महिला प्रवाशांचे सोन्याचे दागिने हिसकावून चोरटे पसार झाले. विशेष म्हणजे, याच रेल्वे मार्गावर वर्षभरात तिसऱ्यांदा अशा प्रकारची घटना घडल्याने रेल्वे सुरक्षा व्यवस्थेवर प्रश्नचिन्ह उपस्थित होत आहे. याप्रकरणी लोणंद रेल्वे पोलिसांकडून तपास सुरू आहे.