आषाढी यात्रेचा सोहळा अवघ्या दोन दिवसांवर येऊन ठेपला आहे. पंढरपुरात भाविकांची गर्दी दिवसेंदीवस वाढत आहे. आज तीन लाखांपेक्षा जास्त भाविकांनी पंढरपूरात दर्शनासाठी हजेरी लावली आहे. विठ्ठल रुक्मीणीच्या पदस्पर्शाची दर्शन रांग गोपाळपुर रोडवरील पत्राशेडपर्यंत गेली आहे. भाविकांना कोणत्याही प्रकारचा त्रास होऊ नये यासाठी मंदिर समितीने व्यवस्था केली आहे. भाविकांच्या चहा, पाणी आणि नाशत्याची सोय मंदिर प्रशासनाकडून करण्यात आली आहे. पांडुरंगाचं दर्शन दर्शनरांगेतून करता यावं यासाठी LED TV ची व्यवस्था करण्यात आली आहे.