मराठा समाजाला आरक्षण देणारा जीआर काढण्यात आल्यानंतर ओबीसी नेते आक्रमक झाले आहेत. लक्ष्मण हाके यांच्या नेतृत्वात बारामतीत ओबीसी आरक्षण बचाव मोर्चा काढण्यात आला. तत्पूर्वी या मोर्चाला पोलिसांनी परवानगी नाकारल्यानंतर हाकेंसह ओबीसी आक्रमक झाले. हाके हे आंदोलनावर ठाम आहेत. गुन्हे दाखल झाले तरी चालतील, पण मोर्चा काढणार, असा निर्धार त्यांनी बोलून दाखवला.

अटक केली तरी आंदोलन करणारच, असा निर्धार हाकेंनी केला. आमच्यावर गुन्हे दाखल करा, आम्ही गुन्हे अंगावर घ्यायला तयार आहोत, असंही ते म्हणाले.

आमच्यावर गुन्हे दाखल झाले तरी चालेल. आम्ही ते अंगावर घ्यायला तयार आहोत. गावगाड्यातल्या, ओबीसींच्या भटक्या विमुक्तांच्या, शोषितांच्या, वंचितांच्या हक्कासाठी लढाई लढू, आम्हाला तुरुंगात टाका, काय करायचं ते करा. संविधानाचं तत्व घेऊन बारामतीत जात आहोत, असं ते म्हणाले.