लालबागच्या राजाच्या विसर्जनाला २४ तासानंतर सुरुवात झाली आहे. भरतीमुळे रखडलेल्या लालबागच्या राजाच्या विसर्जनासाठी सुरुवात झाली आहे. लालबागच्या राजाचा तराफा समुद्रात धक्का देऊन ढकलण्यात आला आहे. उद्योजक अनंत अंबानी यांचे सुरक्षा रक्षक आणि कोळी बांधवानी तराफा पाण्यात ढकलला. समुद्रात भरती होत असल्याने तराफा ढकलण्यात यश आलं. त्यानंतर लालबाचा राजाचा तराफा समुद्रात तरंगण्यास सुरुवात झाली आहे. तर यावेळी फटाक्यांची आतिषबाजी करण्यात आली. त्यामुळे काही तासांतच लालबागच्या राजाचं विसर्जन होण्याची शक्यता आहे.