मुंबई :

गणेशोत्सवाच्या पार्श्वभूमीवर मुंबईतील गणेश मंडळ असलेल्या लालबागचा राजाच्या मंडपात भाविकांची रीघ लागली आहे. हजारो लोकांची राजाच्या चरणी लीन होण्यासाठी तासंतास रांगेत उभे राहत आहेत. याच लालबागच्या राजा मंडपातील भेदभाव आणि मुजोरीपणा पुन्हा एकदा उघडकीस आला आहे. या मुजोरीपणाचा व्हिडिओ सोशल मीडियावर व्हायरल झाला आहे.

लालबाग राजाच्या मंडपात काही जण आरामशीर दर्शन घेत आहेत. तर दुसऱ्या बाजूला सुरक्षारक्षकाकडून सर्वसामान्य भक्तांसोबत मुजोरपणा सुरु आहे. या सर्व घटनेचा व्हिडिओ सोशल मीडियावर व्हायरल होत आहे. हा व्हिडिओ दोन-तीन दिवसांपूर्वीचा असल्याचा सांगण्यात येत आहे. त्यामुळे हा मुजोरीपणा कधी संपणार, असा सवाल उपस्थित आहे.

व्हायरल व्हिडिओमध्ये एक कुटुंब फोटो काढत आहेत. तर दुसऱ्या बाजूला सुरक्षारक्षक सर्वसामान्य महिला आणि पुरुष भक्तांसोबत मुजोरीपणा करत आहेत. या घटनेचा व्हिडिओ व्हायरल झाल्यानंतर लालबाग राजा गणेशोत्सव मंडळाकडून कोणत्याही प्रकारचं स्पष्टीकरण देण्यात आलेलं नाही.