मुंबई : लालबागच्या राजाच्या विसर्जनाला २४ तास उशीर झाला. समुद्राच्या भरतीमुळे लालबागचा राजा २४ तास गिरगाव चौपटीवर होता. विसर्जनासाठी भाविकांची गर्दी झाली. लालबागच्या राजाचा तराफा अनंत अंबानी यांचे सुरक्षा रक्षक आणि कोळी बांधवानी तराफा पाण्यात ढकलला. समुद्रात भरती होत असल्याने तराफा ढकलण्यात यश आलं. त्यामुळे पुढील काही तासांतच विसर्जन करण्यात आलं. मात्र, लालबागच्या राजाच्या विसर्जनाला उशीर का झाला, यावरून चर्चा सुरु झाली. या ढिसाळ नियोजनाला जबाबदार कोण, असा सवाल नेटकऱ्यांकडून उपस्थित केला जात आहे. लालबागच्या राजाच्या विसर्जनाला विलंबावरून लालबागच्या राजाच्या अध्यक्षांनी दिलगिरी व्यक्त केली.