राज्यातील गरीब महिलांना आर्थिक आधार देण्यासाठी ‘मुख्यमंत्री माझी लाडकी बहीण’ योजना सुरू केली. योजनेंतर्गत पात्र लाभार्थ्यांना दरमहा 1500 रुपये देण्याचे जाहीर केले. या योजनेंतर्गत नोव्हेंबरपर्यंतची रक्कम मिळाली आहे. त्यामुळे डिसेंबरच्या हफ्त्याची सर्वांनाच प्रतिक्षा आहे. हिवाळी अधिवेशनानंतर डिसेंबरची रक्कम दिली जाणार असल्याचे मुख्यमंत्री देवेंद्र फडणवीस यांनी अधिवेशनाच्या सुरूवातीला जाहीर केले होते. मात्र डिसेंबर महिना संपत आला, तरी बहिणींना अद्याप ‘ओवाळणी’ मिळालेली नाही. त्यामुळे सरकारच्या निर्णयाकडे ‘बहिणीं’चे लक्ष लागले आहे.1500 रुपयांचा हप्ता जमा होण्यासाठी आणखी काही दिवसांचा कालावधी लागण्याची शक्यता आहे. डिसेंबरच्या हप्त्याबाबत मुख्यमंत्री काय म्हणाले होते ते पाहूय़ात..

आत्तापर्यंत या योजनेत काय झालं ते पाहूया...

जुलै ते नोव्हेंबरपर्यंतचे साडेसात हजार रुपये सरकारने ‘बहिणीं’च्या खात्यात दिवाळीपूर्वीच जमा केले जाईल असं सांगण्यात आलं आहे.. दरम्यान, विधानसभा निवडणुकीची आचारसंहिता जाहीर झाली. त्यामुळे राज्य सरकारने 15 ऑक्टोबरपर्यंत अर्ज करण्याची मुदत दिली होती. आचारसंहिता संपल्यानंतर प्रलंबित अर्जांची छाननी सुरू करण्यात आली. त्यानंतर त्रुटीयुक्त अर्ज बाद करण्यात आले.निकष पूर्ण न करणारे पुणे, पिंपरीसह राज्यातील अनेक ठिकाणी हजारो अर्ज बाद झाले आहेत. मंजूर अर्जदारांचे आधार कार्ड बँक खात्याशी जोडण्यात आले.

योजनेचे निकष बदलणार नाहीत असं सरकारनं जाहीर केलं आहे.

महायुतीने विधानसभा निवडणुकीत घोषणा केल्यानुसार दरमहा रक्कम 1500 रुपयांवरून 2100 करण्यात येणार आहे. त्याकडेही ‘बहिणीं’चे लक्ष लागले आहे.

तर डिसेंबरचा हप्ता नवीन वर्षातच मिळण्याची शक्यता आहे. त्यामुळे सरकारनं डिसेंबर आणि जानेवारीचा हप्ता एकत्र दिला तर लाडक्या बहिणींची संक्रांत आणखीनच गोड होणार यात शंका नाही.